Ulahon sian las ni roham!

Di bona ni taon 2010 on mansai godang sihobasan. Boi dohonon gumodang do ulaon (kesibukan) di bona ni taon on sian na di bulan Desember 2009 na salpu. Angka on ma sihobasan i :

1. Manusun Roster. Adong manang piga roster sibahenon songon dalan mangatur angka ulaon ni angka parhaldo di bagasan sataon manang sa-semester. 1)Roster parhobas ganup minggu (nunga sidung). 2)Roster Parhobas tu Partangiangan. 3)Roster Parhobas tu angka Kategorial. 4)Roster ni angka parmusik, song leader (molo on nunga pinasahat tu seksi musik).
2. Padimposhon Buku Barita Jujur Taon 31 Des.2009. Nunga sidung nian dipatupa alai porlu adong angka sipadimposon asa songon na suman tongoson tu Resort, Distrik dohot Pusat.
3. Mambahen Buku Kerja 2010. Mansai ringkot do Buku Kerja on, i ma Panduan Pelayanan na porlu botoon ni angka ruas hombar tu angka haputusan ni rapot huria. Isi ni Buku Kerja on i ma : 1) Program Kerja 2010. 2)Anggaran Huria 2010. 3)Daftar ni sude Parhalado dohot Ruas. 4) Hatorangan ni Taon Hajuarabagason HKBP 2010 dll
   
4. Manusun Buku Ende Khusus Sikola Minggu. Rup mangula dohot angka Guru Sikola Minggu (GSM) laho mencetak BE Khusus sipangkeon ni Sikola Minggu. Sumberna sipilliton sian Buku Ende HKBP, Kidung Jemaat, Kidung Ceria dohot angka lagu anak sikola minggu na umum. Salose ma nian on di minggu paduahon Pebruari 2010.
   
5. Pesta HUT-15 Tgl.07 Pebruari 2010. Ia sipatupaon di Pesta HUT 15 on i ma :

Kebaktian Minggu (Hundul ma i marsasaripe - sian dakdanak sahat tu na magodang). Masuk pukul 09.00 (dipasigop sian na somal masuk pukul 10.00). Sude punguan koor mangulon do marende di pesta i.

Rup Mangan (Makan Bersama). Dipatupa do acara makan bersama marhite na masiboan indahan, lompan dohot peralatanna be (piring, sendok dll). Holan lompan sangsang lomoklomok do diparade huria.

Pelean na Marhadohoan (Persembahan Khusus). Diparade huria ma amplop na adong kop pesta HUT 15, jala dibagi ma i tu ganup keluarga 1 amplop marhite sintua wiykna be.

Tortor/Hiburan. Dipatupa do di pesta on : 1) Tortor Parhalado. 2) Tortor Wiyk. 3.) Tortor Kategorial (SM, Remaja, Naposo, Ina, Ama). Jala molo adong angka na marende (vocal group, trio manang solo).

Asing ni na di ginjang i godang dope nian angka program siulahononhon. Soala gogo laho mangulahon i sude. Tongtong do ingkon marhaposan tu Tuhan. Mangula di porlak ni Tuhan sian las ni roha asa diurupi Ibana marhite tanganNa na gogo i, jala asa laos dipasupasu sude angka na niula dohot na sinangkapan. Marsangap ma Jahowa marhite angka panghobasionta be.