Selasa, 22 September 2015

HKBP JATISAMPURNA

Sekarang saya melayani di gereja ini,
HKBP Jatisampurna
Gereja yang sedang berkembang.
 Jemaat umumnya masih produktif dan terus bertambah.
 

Minggu, 28 September 2014

TIGA JAGOAN

Semogalah Tuhan, khalik langit dan bumi selalu memelihara hidup dan kehidupan kami. Dari Dialah semua yang ada dan yang akan ada di dunia ini. Dialah sang pemberi hidup! Semua makhluk harus tunduk dan taat atas kuasa-Nya yang besar. Kemuliaan dan hormat kepada Allah Bapa, Anak dan Roh Kudus, dari sekarang sampai selama-lamanya.

Ucapan syukur keluarga kami tak terhingga kepada Tuhan atas berkat yang diberikan kepada kami pada hari Rabu, 17 September 2014 yang lalu. Dia mengaruniakan kepada  kami seorang putera, anak ketiga di keluarga kecil kami, Sinurat. Sungguh kebahagiaan yang tiada tara bagi kami, apalagi bisa lahir dengan normal. Padahal sudah sempat dipastikan oleh dokter dan bidan harus dioperasi, karena bayinya sungsang. Tapi dengan keyakinan dan doa ternyata posisi bayi bisa normal tanpa harus menjalani operasi sesar. Saya yakinkan istri saya dengan mengatakan : "Mama harus kuat, yakin saja dan berdoa bahwa vonis dokter dan bidan itu belum tentu benar. Bagi Tuhan tidak ada yang mustahil. Mama pasti bisa bersalin secara normal". Dan puji Tuhan, doa kami didengar. Sungguh Tuhan itu baik.

Masih ingat betapa berat perjuangan istri tercinta Isdawati Butarbutar selama mengandung anak ketiga kami ini. Selama empat bulan pertama susah makan, mual dan muntah. Tekanan darah  juga sangat rendah dan sering pusing sehingga harus istirahat total (bedrest). Pernah juga harus diopname karena sudah drop, berhari-hari tidak bisa tidur malam. Tidak hanya sampai disitu, penyakit lain berupa luka biasa di kaki menyebabkan sang istri susah berjalan karena semakin lama kakinya semakin bengkak. Entah penyakit apa itu, ada-ada saja memang. Dan luka itu hampir sampai sebulan baru sembuh. Dan terakhir yang membuat sempat stres adalah ketika dokter dan bidan memastikan harus di operasi sesar. Sejak melahirkan anak pertama kami, istriku memang selalu bertekat dan niat yang kuat harus bisa bersalin secara normal. 

Pagi itu, Rabu 17 September 2014 pukul 04.00 sang istri membangunkan saya dan memberitahukan bahwa sudah ada tanda-tanda akan bersalin. Menurut perkiraan dokter, sesuai USG, sebenarnya perkiraan lahir awal Oktober, tapi ternyata lebih cepat dari yang diperkirakan. 
Saya katakan kepada istri masih terlalu pagi, kita tunggulah sampai pukul 05.00 baru berangkat ke bidan. Saya pastikan juga apakah masih bisa naik sepeda motor, sebab jarak tempat persalinan kira-kira 5 km. Dengan yakin istri saya menjawab masih bisa. Kami juga memperkirakan sampai di tempat bidan nanti paling baru pembukaan satu. Eh, sesampainya di tempat bersalin kami kaget, sebab bidan mengatakan sudah pembukaan enam. "Oh Tuhan, bukankah dalam posisi seperti itu sangat berbahaya naik sepeda motor?" Untunglah tidak terjadi apa-apa. Sekali lagi Tuhan itu sungguh baik, dia menolong kami. Pada pukul 06.45 sang jagoan pun lahir dengan selamat. Terimakasih Tuhan, saat-saat menegangkan pun bisa terlewati. Semuanya berkat bantuan dan pertolongan Tuhan.

Berkat Tuhan Yesus, semua itu bisa kami jalani dengan rasa syukur yang tak terhingga. Oleh karena Tuhan yang yang membantu dan menolong maka putra ketiga kami ini akan kami beri nama YOSIA AURELIUS SINURAT. Yosia berasal dari bahasa Ibrani yang berarti Tuhan membantu, Tuhan mendukung, (klik disini untuk melihat arti nama Yosia). Sedangkan Aurelius dari bahasa latin artinya emas

Tuhan kiranya memberkati dan memeliharanya menjadi anak yang selalu sehat serta "simbur magodang". Dan juga memberikan kekuatan serta hikmat kepada kami orangtuanya untuk membimbing anak-anak kami seturut kehendak-Nya. Amin.



Minggu, 17 Agustus 2014

PORSEA MA HO, PADAO HATANGKANGON!

Mateus 21:31 
Ise sian nasida na dua i mangulahon pinangido ni amanasida? Jadi didok nasida ma tu Ibana : Sihahaan i do! Dung i didok Jesus ma tu nasida : Situtu do na hudok on tu hamu: Tagonan do halak sijalobeo dohot boru na jahat bongot tu harajaon ni Debata, unang hamu!

Halak na manghilala dirina sintong mangihuthon pingkiranna sandiri maol do i manjalo pandapot/pingkiran ni halak na asing. Halak na songon i jotjot do i marsigolgol di pandapotna mandok holan ibana na sintong, halak na asing sala. Ujungna madabu ma tu hatangkangon ni roha, laos mamboan mara tu dirina sandiri. Dos ma i tu sahalak musafir na mardalani laho tu sada luat. Adong do halak na paingothon ia dalan na binolusna i naeng manuju tu lombang na bagas do, alai ala merasa sintong ibana di dalan binolusna i gabe ditorushon ma. Ndang parduli ibana di hata ni halak na paingothon nang pe sintong. Ujungna sahat ma tutu ibana manuju tu lombang na bagas i. 

Hatangkangon ni roha ni jolma boi do tarida sian sikap ni angka pemimpin Jahudi, i ma Parise dohot angka Siboto Surat. Ala merasa sintong sandiri nasida manang aha pe na niula ni Jesus  maol dihaporseai nasida. Tangkas do huaso ni Jesus sian Banua Ginjang alai pola ingkon sungkunon nasida muse sian dia huaso ni Jesus umbehan tuk patupahon angka tanda halongangan. Ala ni hatangkangon ni roha nasida, Jesus pe ndang jalo dialusi sungkunsungkun nasida i. Baliksa dipasahat do umpama taringot tu dua anak na sinuru ni amana mangula tu porlak.  Anak sihahaan mandok ‘ndang olo’, alai manolsoli gabe laho do ibana. Anak sianggian mandok ‘olo’, alai ndang saut laho. Anak sihahaan i manggobarhon halak pardosa hian alai muba rohana gabe dioloi Debata. Ia anak sianggian i manggombarhon halak Parise dohot Siboto Surat na merasa halak na badia, hape sasintongna sialo Debata. Umbahen na didok Jesus tu nasida : Situtu do na hudok on tu hamu: Tagonan do halak sijalobeo dohot boru na jahat bongot tu harajaon ni Debata, unang hamu”! (ay.31).

Ndang marguna hatangkangon ni roha di adopan ni Debata. Tumagon tahe pinaserep roha jala olo mangihuthon hata hasintongan, i ma hataNa. Molo tung pe manghilala hita sintong di parngoluonta sai tabahen ma hata ni Debata na gabe ojahan ni hasintonganta i. Asa unang madabu hita tu na pasintong diri, hape na mangalo Debata. Hata ni Debata do hasintongan  i sioloanta. Reaksi ni hita na porsea tu hata ni Debata patut songon anak sihahaan i, didok ndang olo alai diulahon. Alai na DUMENGGAN molo didok OLO (di-amen-hon hata i) dungi DIULAHON. Unang di hatana mandok olo, lapatanna ringgas do manangihon hata ni Debata alai ndang adong na diulahon. Alai adong na JUMORBUT pangalaho ni jolma, i ma NASO OLO manangihon hata ni Debata jala gabe SIALO Debata. Ai sian dia ma botoonna hasintongan molo so dibagasan Tuhan i ngoluna? Alani unang patangkang roham, gabe sioloi jala siulahon hata i ma ho, i ma hasintongan i. Amen!

PARANGE ANAK NI DEBATA

Galatia 3 : 26
Ai saluhut do hamu anak ni Debata marhitehite haporseaon di Kristus Jesus.

Sahalak naung manghatindanghon haporseaon dianggap do i naung dewasa di partondion, na bertanggungjawab di ngoluna di manang aha pe diula ibana. Nunga diboto manang aha lomo dohot sogo ni roha ni Debata, siulahonon dohot sipasidingonna. 

Boi do tagombarhon i songon tradisi ni halak Junani. Molo adong sahalak ianakhon peralihan sian dakdanak tu dewasa (akil balik), dipatupa do tradisi mengganti jubah i ma jubah hadakdanakon tu jubah ni halak na dewasa. Marhite i ma talapati halak naung dibagasan Jesus Kristus, molo dung tardidi dohot mangahtindanghon haporseaon, masa ma peralihan maninggalhon jubah pangalaho na leleng jala mamangke jubah pangalaho na imbaru. Ai molo dibagasan Kristus halak, na tinompa na imbaru ma i. Nunga salpu pangalaho na robi, gabe na imbaru. (2 Kor.5:17). 

Dung marngolu na imbaru, gabe anak ni Debata ma hita na marparange hatiuron dohot hasintongan. Gabe dos do hita sude di adopan ni Debata. Ndang mardia imbar disi Jahudi manang Junani, hatoban manang anak mata, baoa manang parompuan, ai sada do hamu saluhutna di bagasan Kristus Jesus (ay.28). Lapatanna sude do angka na porsea, songon anak na bertanggungjawab penuh di angka ulaonna patuduhon parange na denggan jala sitiruon paboa na porsea jala mian dibagasan Jesus kristus. Alani bangga ma hita gabe anak ni Debata. Nunga dipasada angka na porsea i ndang mardia imbar latar belakang ni ngoluna. Sandok sarupa na tinobus ni mudar ni Kristus do hita. Angka anak ni Debata patut marsiadu mangulahon na tama songon na binahen ni Tuhan i. Asa gabe tau las ni roha nian angka na taula di adopan ni Tuhanta. Amen!

BE.369:1-2

AJARI HAMI MARTANGIANG

Mateus 6 : 9 
Songon on ma tangiangmuna : Ale Amanami na di banua ginjang! Sai pinarbadia ma GoarMu!

Denggan do na marsilehonlehon (parasinirohaon), martangiang dohot na marpuasa alai unang dipapilit tujuanna (disalahgunakan). Songoni do angka Parise i mangulahon parugamoonna asa diida halak songon na badia (pamer kesalehan). I do na dikritik Tuhan Jesus asa unang madabu tu ngolu sipalensem manang munafik. Angka na pamer kesalehan di ngoluna ndang dapot upa sian Debata, ai nunga dapot upa ibana marhite pujian ni jolma. Hape di Debata soada mararga na songon i. Molo mangulahon parasinirohaon, matangiang dohot marpuasa sian roha na ias ma mardongan haporseaon, ai na mambahen tu Tuhan i do hita disi ndada tu jolma. 

Songon i do nang partangiangon. Ndada hasomalan sambing i. Ndada uli ni permainan di hata tangiang songon na binahen ni Parise ujui. Ai dipapujipuji, dipasangap, diparmulia do goar ni Debata alai pangalahona ndang tarpuji. Marhite tangiang ndang na gabe hita mengajari Debata aha sibahenonNa tu hita. Diboto Debata do manang dia na ringkot di ngolu ni jolma nang so dipangido. Alai ringkot do martangiang patuduhon pangoloionta tu Debata. Ringkot do na martangiang asa taboto manang aha lomo ni roha ni Debata, unang sai holan na mangido (menuntut) hita. Alai na rumingkot molo naeng martangiang, sipangidoonta tu Debata i ma asa diajari hita martangiang. 

Na martangiang dibagasan Tondi ni Debata ndang be tangiang na egois ruar sian pamanganna. Inti ni tangiang i ma dalanta marsaor dohot manghatai dohot Ibana. Di na martangiang i ma hita mandok mauliate huhut manghatindanghon angka pambahenanNa di ngolunta. Ingkon tarida unsur doksologi manang pamujion diisi ni tangiang. Ai disi ma tangkas tahatindangkon pargogo naso hatudosan Ibana jala na badia situtu. Marhite na martangiang gabe dohot hita marsaor tu habadiaonNa. Alani parsitutuon dohot unduk serep ni roha do na rumingkot adong di hita molo naeng martangiang. Dungi diajari ma hita mandok sidohononta. Amen!

TARSURAT DO GOARMU DI BANUA GINJANG?

Lukas 10 : 20 
Alai ndang pola las rohamuna, ala naung guru dokmu angka tondi i. On ma tahe halashon hamu : Naung tarsurat goarmuna di banua ginjang i.

Di huria i dos do sude di adopan ni Debata. Ndang mardia imbar. Alani naso jadi antong adong diskriminasi di huria. Sarupa do parhalado dohot ruas, na mora dohot na pogos, na sangap dohot na lea, baoa dohot boruboru di adopan ni Tuhan i (bd. Gal.3:28). Manang aha pe jabatan manang ulaonta di tano on naeng pangkeon ni Debata do hita gabe sitindangiNa. 

Ida ma angka sisean ni Jesus i, halak sihatoropan do  nasida naso pola timbo singkolana, alai dijou Tuhan Jesus do nasida gabe siseanNa, gabe parbarita nauli. Na naeng dohononna disi ia ulaon pelayanan ndada dilehon i holan tu angka na terpelajar, angka ahli teologi manang holan tugas ni angka parhalado. Saluhutna do (na porsea) dijou Tuhan Jesus asa gabe sitindangi dohot mamaritahon harajaon ni Debata. 

Adong do tutu angka ulaon na khusus dipasahat tu angka na porsea saguru tu angka telenta na adong di ibana. Isara ni marjamita, manurirangi, mangajari dohot na patupahon tanda halongangan pamalum na marsahit dohot pabalihon tondi na hodar. Alai didok Jesus do tu angka sisean i asa unang pola las rohanasia ala naung guru doknasida angka tondi. Alai molo tarsurat sogot goarnasida di banua ginjang i do las ni roha na umbalga. Ndada pola ingkon ulaon na balga asa mambahen las rohanta gabe siihuthon Kristus. Molo taula angka na denggan jala na marguna, manghaholongi dongan jolma jala mangoloi hataNa, nunga pasidohot hita mamaritahon harajaon ni Debata. 

Dipaingot Tuhan Jesus do : Ndada saluhut halak, na mandok Ahu Tuhanna, bongot sogot tu harajaon banua ginjang i, holan angka na mangulahon lomo ni roha ni Damang na di banua ginjang i do (Mat.7:21). Ise pe taho hita, parhalado manang ruas biasa pe molo taulahon lomo ni roha ni Debata sian roha na marpangoloion, nunga tuk i mambahen tarsurat goarta di banua ginjang. Ndada pola ingkon na manurirangi, pabali tondi na hodar dohot patupahon angka tanda halongangan, asa gabe tarsurat goarta sogot di banua ginjang. Nang pe ringkot do i tutu masa laho patuduhon huaso ni Debata di portibi on. Alai adong do dipillit Debata na martalenta khusus tusi songon angka sisean ni Jesus i. Ala ni las ma rohanta molo mangolu jala mangula hita dibagasan hata ni Debata, jala tarsurat sogot goarta di banua ginjang. Amen!

RADOTI HATANA

Johanes 12 : 47 
Asa molo adong na umbege hatangKu, gabe ndang diradoti, ndada Ahu manguhum ibana , ai ndada laho manghum portibi on, na laho paluahon portibi on do, umbahen na ro Ahu.

Gabe Kristen ndang gabe jaminan na porsea ibana tu Tuhan Jesus. Godang do halak marugamo Kristen alai ndang olo manangihon hata ni Debata. Holan di kartu tanda penduduk terdaftar Kristen alai so hea marminggu, bangkol marsaor dohot parpunguan ni halak Kristen, jala ditulak hata ni Debata. Hakristenon i sandiri ingkon tarida do sian pangoloion di Debata dohot parange di parngoluan siapari, ndang holan identitas sambing. 

Sipaingot nama dipasahat Tuhan Jesus di jamitaNa tu angka na torop, ndada be mangarahon manang manogihon asa porsea. Tutu do parasi roha Ibana, na rade manjanghon angka pardosa songon hita on, alai huhut do parrimas tu angka na tangkang marroha. Alani dipaingot hita marhite turpuk on taringot tu panguhum ni Debata tu angka naso mangoloi dohot na manulak hataNa. 

Angka ise do na tagamon uhumon ni Debata sogot mangihuthon turpuk sadari on? 

I ma halak na membege hata ni Debata alai ndang dioloi, dohot halak naso rade manangihon hata ni Jesus songon binahen ni angka Parise i. Toropan do sikap ni hita jolma di partingkian sinuaeng on na bangkol manangihon hata ni Debata, khususna sian horong ama, molo taida di gareja di ganup ari minggu. 

Dungi angka na so olo mangoloi manang mangulahon hata ni Debata nang pe sai ringgas manangihon hataNa di ganup parpunguan ni halak Kristen. Ditangihon do hata ni Debata alai masuk sian pinggol hambirang ruar sian siamun. Ndang dipaloas masuk sahat tu rohana dungi dipahusorhusor jala dipeop asa diulahon. Dipaingot Tuhan Jesus do angka pangalaho na songon i, ai hangoluan do hata ni Debata, manang ise pe na manulak dohot na so olo mangulahon, gabe hata i do muse na paingothon dohot gabe panguhum (hakim) di angka naso mian dibagasan Ibana. 

Tutu do ndada na laho manguhum portibi on umbahen na ro Jesus, laho paluahon do. I ma tanda holong ni rohaNa di hita. Alai taingot ma holan angka na porsea di hataNa do sogot na dapot haluaon. Ai martua do halak na manangihon hata ni Debata jala na umpeopsa. Amen!

Senin, 11 Agustus 2014

PESTA GOTILON

Pesta Gotilon & HUT 146
HKBP Banuarea, 10 Agustus 2014

On ma pesta paopat halihon pesta Gotilon dohot Ulang Tahun ni huria HKBP Banuarea hudohoti hami. Pesta na parjolo i ma Pesta Gotilon dohot HUT 142. Uju i, ala na imbaru dope hami gabe pandita ressort*, hira holan marpesta gotilon sambing dope disangkapi, i ma mamboan parbue pir di tandok. Alai dung huida sejarah ni gareja HKBP Banuarea,  naung 2 hali marjubileum (Jub.100 taon dohot 125 tahon), jala tongon di tgl. 29 Juli dibahen hatutubu ni huria on gabe tubu ma ide asa sai dipadomu pesta gotilon dohot ulang tahun. Alasanna hudok parjolo, ala pesta gotilon somalna dipatupa di bulan Juli/Agustus hape hatutubu ni huria on pe topet do disi. Paduahon asa unang tarlalap hurianta on naung jonok nama Jubileum 150 taon.

Jadi ma pesta i jala dipatupa makan bersama. Ruas dohot panitia i sandiri ma na manghobasi lompan panganan. Marhobas songon di pesta kawin di huta. Alai anggo indahan dohot piring masiboan ma ganup keluarga. Adong acara tiup lilin dohot potong kue, songon ulang tahun kelahiran na somal dipatupa halak. Ribur ma tahe. Dungkon nii gabe ganup taon ma dipatupa pesta gotilon dohot ulang tahun huhut makan bersama. Laos di pesta i ma muse dipatupa mangalului dana tu anggaran ni huria/ressort, na ujui tongon minuss.

Nuaeng, taon paopathon hami marhobas di huria on  hot do dipatupa pesta na sarupa. Alai parasinganna taon on ndang dipatupa be acara tiup lilin dohot bagi-bagi kue. Jambar kue ganup wiyk pe ndang adong be dibahen. Alai nang pe songon i tong do ribur pesta i. Boasa ndang tiup lilin be, ninna na deba. Jadi ningku ma anggo sahali on PAGALAK LILIN ma jolo hita. Ai lilin panondang do i, jala i do huria ndang be mangintopi panondang manang lilin, alai manggalahi nama. Jadi ma tutu di pesta sahali on manggalahi lilin di ginjang ni nomor SADA OPAT ONOM (146). Sumber ni api sian Parjamita, i ma : Pdt. Parinsan Simanungkalit. Dung i na pagalak lilin sahalak sian parhalado (pandita ressort), ketua panitia dohot sahalak ruas na tumua umurna. Endena pe ndang Panjang Umurnya dohot tiup lilinnya be, alai dibuat sian BE No. 653 Jubileum ni Huria. 

Ndang gabe moru las ni roha, gariada lam semangat. Anggiat ma lam galak semangat ni huria i mula ulaon, lam galak parsaoran, lam galak partondion, lam galak hasadaon. Ndada lam mintop!





* Di HKBP Ressort Banuarea ma ahu parjolo manjalo jabatan pandita ressort :-)

NA RINGKOT JAHAON