Selasa, 20 Februari 2018

Ulang Tahun ni Hasianku ...

Late Post!!
Tongon di ari Rabu 17 Desember 2018, di bagasnami Blok S6 Kranggan Permai, dipatupa Partangiangan Bona Taon Parompuan HKBP Jatisampurna. Laos di ari sadari i boho ma tolupulu onom taon umur ni Boru ni Raja i : Isdawati Butarbutar. Sidung ibadah dipatupa ma acara ulang tahun, tiup lilin, potong kue dohot mandok hata. Dohot manghalashon di acara Bona Taon i : Pdt Marolop P Sinaga (Pandita Ressort), Pdt. Christa Br Siahaan.
Pangidoan tu Tuhan na marhuaso, parasiroha jala na burju, na mangalehon hangoluan di jolma, i ma Kristus Jesus, anggiat dilehon ganjang ni umur dohot hahipason di inang Soripada na burju, na hujou hami Mama Bonar. Diparbisuhi jala dipargogoi mangarorot dohot pagodanggodanghon jagoan Sinurat na tolu pinalumehon ni Tuhan di hami : Yisakhel Bonar, Yerikho dohot Yosia. Rap marsianjuan di angka na humurang di pardalanan ni rumatangganami. Rap martangiang anggiat margogo mangurupi di angka ulaon panghobasion pinasahat ni Tuhan marhite huriaNa.

Selamat Ulang Tahun ma Inang.
Sai hot ma ho di haburujuonmi, na sai marasi ni roha.



Ummarga do i sian angka mutiha, jala sandok arta hasoloan ni roham, 
ndang tarpatudos tusi. 
Di tanganna siamun do ganjang ni umur
jala di hambirangna do hamoraon dohot hamuliaon. 
Dalanna do angka dalan hasudungan ni roha, jala sude lapangna hademakon.  
 Poda 3 : 15-17

--00--