Bege ma Tuhan i
Na jou jou i
Sai unang jua i
Mansai sonang do i
Beta hita lao mangula
Tu ladang ni Tuhan i
Dijou Tuhanta ho
Tu gotilon i
Pelehon ma ngolumi
Mangoloi Tuhan i
Lao mangula di HarajaonNa i
(BE 660 : 1)
Setelah 3 bulan menunggu, akhiranya pengukuhan Pendeta HKBP Resort Tangerang Kota yang baru Pdt.DR M.F.Ladestam Sinaga,MTh dilaksanakan, kemarin minggu tanggal 08 November 2009. Pengukuhan dipimpin oleh Pdt. STP Siahaan,MBA selaku Kabid Marturia HKBP Distrik XXI Jakarta 3. Dalam khotbahnya yang memukau Pdt STP Siahaan, MBA mengajak jemaat untuk lebih giat dalam berdiakoni. Banyak orang beribadah dan berpuasa dengan motivasi yang salah. Berpuasa dengan tetap mementingkan diri sendiri serta ritual tanpa penyerahan diri menjadi munafik. Ibadah dan Puasa yang benar adalah "memerdekakan orang lain dari kemiskinannya". Dengan singkat inilah yang disebut berdiakoni. Ibadah tanpa diakoni tidak ada artinya. Khotbah dikutip dari Yesaya 58:4-12. Tugas berat ini juga diarahkan kepada pendeta resort yang baru, bahwa tugas berat menanti di Resort Tangerang Kota.
Dalam perkenalan kepada jemaat Pdt. Frans Ladestam Sinaga dengan nada kerendahan hati berkata "mabiar do ahu memikul ulaon i, atik tung ndang tarbahen ahu mangulahon pas songon na di rohamuna i", lanjutnya lagi "saya tidak punya target, paloas hamu ma ahu -mengalir seperti air- huulahon ulaon na pinasahat ni pimpinan tu hami lumobi na sian Tuhanta Jesus". Ternyata selama menjadi pendeta, Amang Pendeta Resort kita ini lebih lama mengabdi menjadi staf di kantor pusat HKBP. Dalam ibadah pengukuhan tersebut jemaat (punguan ina) HKBP Rumbai turut menyumbangkan lagu pujian. HKBP Resort Rumbai adalah tempat pelayanan Pdt. Frans Ladestam Sinaga sebelumnya. Selamat datang, selamat melayani dan sukses buat Pendeta Resort yang baru. Tuhan memberkati pelayanannya di HKBP Resort Tangerang Kota.
Marhite Pesta Huria Na Gok, HKBP Salembaran lam hobas pamajuhon ulaon asi ni roha (Diakonia) di tonga ni huria dohot masyarakat asa gabe pasupasu tu angka na humaliang.
I.PANGARADEON:
ØPraeses, Pandita, Parhalado dohot Panitia Mangarade di Bilut Parhobasan.
ØProsesi Parhalado & Panitia, sude ruas jongjong.
ØDitingki Prosesi diiringi musik BE No. 585.
II.IBADAH( L = Liturgis,H = Huria)
L : Huria ni Debata na dihaholongan ni Tuhanta Jesus Kristus, hami saluhut Parhalado, pasahathon tabe ma tu sude hamu ruas ni huria: Asi ni roha ma di hamu, jala dame na sian Tuhanta, ima na mangaramoti hita saluhutna.
H : Asi ni roha ma nang di hamu angka parhaladonami, jala dame na sian Tuhanta, i ma na mangaramoti hita saluhutna.
L : Dibagasan sadarion tung tama do hita mandok mauliate tu Debata, disaluhut pandonganion dohot pangaramotion ni Debata di sude pardalan ni ngolunta. Di ari sadarion dipaloas Debata huria-Na diojakhon gabe Huria Na Gok, i ma HKBP Salembaran. Saluhutna i tung asi ni roha ni Debata do i tu hita. Ala ni tapuji ma Tuhanta jala tasomba ma Ibana, taendehon ma “Sangap di Jahowa”
(mangendehon BE 585: “Somba ma Jahowa”)
Somba ma Jahowa Debatanta, Amen Haleluya
Sigomgom langit tano on ro di isina, Amen Haleluya
Beta hita lao marsinggang tu joloNa, Amen Haleluya
L : Tung so tarasam hita do balga ni holong ni roha ni Debata, dibagasan pardalan ni ngolunta, jala tung so hasuhatan do denggan ni basaNa. Antong haholongi ma Debata sian nasa roham, sian nasa ateatem dohot sian nasa pingkiranmu. Robe ma hamu tu adopanNa jala somba ma Ibana.
J :(mangendehon BE 585: “Somba ma Jahowa”)
Pujima Jahowa Debatanta, Amen Haleluya
Parasi roha na sumurung do Ibana, Amen Haleluya
Taendehonma goar ni Debatanta, Amen Haleluya
Ala ni denggan ni basaNa na tu hita, Amen Haleluya
Reff :Endehon Amen Haleluya......
L : Pillit ma sadarion, manang na ise do sioloanmu: hagogoon portibion do manang Debata si lehon hangoluan? Pillit ma sadarion manang na ise si sombaonmu: debata sileban do manang Debata sitompa langit dohot tano.
H :Alai anggo au dohot donganhu sajabu, Debata do sioloan dohot sisombaon nami.
… jongjong …
H :(mangendehon BE 585: “Somba ma Jahowa”)
Sangap di Jahowa Debatanta, Amen Haleluya
Na bonar jala marmulia do Jahowa, Amen Haleluya
Tapatimbul ma goarni Debatanta, Amen Haleluya
Na tigor jala na sun gogo salelengna, Amen Haleluya
Reff :Endehon Amen Haleluya......
03. VOTUM – INTROITUS – DOA
L : Marhitehite goar ni Debata Ama dohot goar ni AnakNa Tuhan Jesus Kristus dohot Goar ni Tondi Parbadia na tunompa langit dohot tano on
.
H : Amen
L : Olophon ma Jahowa, ale sandok tano on! Oloi hamu ma Jahowa marhitehite las ni roha, ro be ma hamu tu joloNa marhitehite olop-olop.
H : Boto hamu ma on: Jahowa do Debata; Ibana jumadihon hita, jala Ibana nampuna hita, bahen bangsona dohot biru-biru pinarmahanNa.
L : Bongoti hamu ma angka bahalNa marhitehite hamauliateon, angka alamanNa marhitehite pujipujian, mauliate ma roha muna tu Ibana, puji ma goarNa. Haleluya.
H : (mangendehon) Haleluya-Haleluya-Haleluya
L : Martangiang ma hita: Ale Debata Amanami, mandok mauliate do hami tu Ho, di sude denggan ni basaM. Tung so tarasam do angka pambahenanMu, na mandongani dohot na mamasu-masu sude hami ruasMon. Sadari on dilehon Ho do las ni roha tu huriaM, HKBP Salembaran, na boi patupahon PESTA MANGOJAKHON HURIA NA GOK. Tu Ho do hami pasahathon parsombaon nami, ala sian tingki tu tingki, lam mangerbang huriaMon dohot panghobasionNa. Dilehon Ho do sada ni roha di sude ruasMu jala didongani Ho do nang angka parhalado laho marhaladoi huriaM. Antong sai saut ma harajaonMu dohot hamuliaonMu di huriaMon, dibagasan goar ni anakMu Tuhan Jesus Kristus, Sipalua hami. Amen.
— hundul —
04. Marende BE No. 743:1-2“O Tuhan Togu-togu Ma Au”
O Tuhan togu-togu ma au, tu dalan lomo ni rohaMi
Raphon Ho sonang mardalan au, nang rahis maol sidalananki
TondiMi baen manggohi au on, margogoihon au na posoMon
Pasangap Ho di ngolungkon, paima sahat tu surgo au on
Panghulingi ma au o Tuhan, na rade tumangihon hataM
Sai tumpahi ruasMu Tuhan, na uasan nuaeng di hataM
Sai patau ma au on naposoM. Manjou halak na dao sian Ho
Ro di na so tumanda Ho, muba gabe pangoloi di Ho
05. MANJAHA PATIK
L : Tangihon hamu ma patik ni Debata i ma Patik Papituhon na mandok : Unang ho mangalangkup. Dia do lapatan ni i?
H : On do : Ingkon dihabiari rohanta Debata jala ingkon holong rohanta di Ibana, asa toman rohanta jala porman dohot pangalahonta ro di hatanta, ianggo angka naung marbagas i ingkon marsipahamaolan jala masihaholongan.
L : Antong rap mangido gogo ma hita sian Tuhan Debata!
H : Ale Tuhan Debata sai pargogo i ma hami, mangulahon na hombar tu patikmi. Amin.
06.Marende BE.No. 695 : 1-2 ”Jesus Tuhanku di Ho ma au on”
Jesus Tuhanku di Ho ma au on, asa mangihut tu Ho au tongtong.
Gohi rohangku ingani au on. Sonang di Ho tongtong.
O Tuhan togu ma au, O Tuhan togutogu ma au.
Gohi rohangku ingani au on, sonang di Ho tongtong
…jongjong…
Mansai godang do pardangolanki, tagan so Jesus dope tohaphi.
Disesa Jesus sude dosangki, gok dame rohangki.
Asi rohaNa di au. Tongtong asi rohaNa di au.
Disesa Jesus sude dosangki, gok dame rohangki.
07. PANOPOTION NI DOSA DOHOT BAGABAGA
L :Huria ni Debata na nihaholongan ni Kristus. Dibagasan unduk dohot serep ni roha, ro ma hita tu adopan ni Debata. Tatopoti ma dosanta tu Amanta Debata, jala tapangido ma hasesaan ni dosanta, dibagasan goar ni Tuhan Jesus Kristus Parasi roha i. Martangiang ma hita dibagasan rohanta be.
(… tingki na hohom… musik mangendehon BE. 683 sada ayat)
L : Ale Debata amanami na badia jala na gok asi ni roha, manang na piga hali hami ro tu adopanMu, huparhatopot hami do sude angka dosa-dosa nami na godang i. Tung mansai jotjot do hami manirpang sian dalanMu, ndang mangulahon lomo ni roham. Nuaeng ro hami tu joloM mangido asi ni rohaM: Sai sesa ma sude dosa nami jala unang paingotingot sude dosanami na godang i.
H : Ale Tuhan, asi ma rohaM di hami halak pardosa on!
L : Unang ma pabali hami sian adopanMu ale Jahowa, ala ni dosa dohot hajahaton nami. Alai marpamuati ma rohaM di hami. Huparhatopot hami do, jotjot do hami lilu songon biru-biru masitondong dalanna be. Ndang be hu ulahon hami lomo ni rohaM. Asi ma roham di hami ale Debata, jala sesa ma sude dosa nami.
H: (mangendehon BE.No. 683“DiadopanMu Jesus”)
Di adopanMu Jesus, lea tutu do diringkon
Dibaen godang ni dosangkon, diadopanMu Jesus.
L : Ale Tuhan Debata, Amanami, Parasiroha na sumurung! Na pungu do hami di joloM martangiang tu Ho. Ndada mangasahon hatigorannami, na mangasahon as ni rohaM na godang i do. Sai asi ma rohaM mida sandok bangsonami, sesa ma dosanami saluhutna. Sai sungguli ma rohanami, asa muba roha dohot pangalahonami, ala ni Tuhan Jesus Kristus Tuhannami, sipangoluhami.
H : (mangendehon BE.No. 683”DiadopanMu Jesus”)
DiadopanMu Jesus, tarsolsol bagi rohangkon
Muba ma au tu jolo on, diadopanMu Jesus
L : Huria ni Debata naung manopoti dosa, nuaeng tabege ma hata baga-baga ni Debata, taringot tu hasesaan ni dosanta: Songon on do hata ni Tuhan Jahowa: Nunga pola hupasisi angka pangalaosim songon ombun, jala songon ombun manorop angka dosam. Sai mulak ma ho tu Ahu, ai Ahu do sipalua ho.Hasangapon ma di Debata na diginjang!
H : Amen!!
… hundul…
08. K o o r :Pungan Ina HKBP Tangerang Kota
09. Marende NO. 697 : 4“Molo Ho do huihuthon.”
Marparange na badia ma au diadopanMi,
Sai patau ma au tiruan, songon pinangidoMi.
Hotong tongihuthonongku,Jesusna palua au
Ho sambing dooloanhu alaniimartua au
10. Manjaha Epistel : 2 Timoteus 4 : 1-5
L : Turpuk Epistel di Minggunta sadarion, i ma na tarsurat di 2 Timoteus 4 : 1-5, songon on ma didok disi :
Di jolo ni Debata dohot Kristus Jesus, na ro manguhumi angka na mangolu dohot na mate, huhatindangkon nang hapataronna, nang harajaonna.
H : Jamitahon hata i, hajongjongkon di tingki na une nang so une; pinsang, paingot, apoi marhitehite nasa lambas ni roha dohot pamodaion.
L : Ai na ro ma tingkina, ndang tartahan halak disi poda na tingkos i; alai mangihuthon hisaphisap sandiri ma alaponnasida pangajari na pageokgeokkon pinggolnasida.
H : Taitonnasida ma pinggolnasida sian hasintongan i, laho paelengkonsa tu angka turiturian.
L : Alai anggo ho, sandok unang ma mabuk roham, taon ma na jat i; radoti na tama ulaon ni parbarita na uli; sahat ula tohonanmi!
I ma sahatna! Martua do angka na tumangihon hata ni Debata jala na umpeopsa.
H : Amen !
11. K o o r:CCS Dian Harapan
12. Marende BE No. 714 :2+4
Tuhan parmahan haposan dongan na sumurung i.
Sai padao pangunjunan togu ma na lilu i.
Tuhan Jesus Sipalua pasupasu ruasMi.
Tuhan Jesus Siparmahan pasupasu ruasMi
...jongjong...
Pabotohon ma tu hami siradotannami i.
Tuhan gohi rohanami dohot haholongonMi
Tuhan Jesus Sipalua, ndnag tarasam holongMi
Tuhan Jesus Sipalua, ndnag tarasam holongMi
13. MANGHATINDANGKON HAPORSEAON
L : Hamu angka dongan ! Rap dohot angka donganta sahaporseaon di sandok portibion, tahatindangkon ma hata haporseaonta i, rap ma hita mandok:
H: Ahu porsea di Debata Jahowa … dst.
— hundul —
14. K o o r : Punguan Ama Tanahtinggi Tangerang Kota
15.TINGTING
16.TANGIANG PANGONDIANON
17. K o o r: Elshaday Tangerang Kota
18. Marende BE No.826 : 1 ...”Gohi au Tuhan”
[ PELEAN1A & 1B]
Gohi au Tuhan marhite hataMi
Gohi au Tuhan marhite hataMi
Songon hudon na rumar do au Tuhan di sumurMi
Gohi au Tuhan marhite hataMi
…musik…
Gohi au Tuhan marhite hataMi
Gohi au Tuhan marhite hataMi
Na mauas do tondingku O Tuhan di HataMi
Gohi au Tuhan marhite hataMi
…musik…
Gohi au Tuhan marhite hataMi
Gohi au Tuhan marhite hataMi
Asa tang jala matoras au marhite HataMi
Gohi au Tuhan marhite hataMi
…musik…
19.Jamita : 2 Musa 4 :10-17(Pdt.Dr.Lukman Panjaitan)
20. Marende BE No. 720 : 1...”Naeng marsinondang ngolungku”
[PELEAN TUMPAK TU PESTA HURIA NA GOK]
Naeng marsinondang ngolungku, diigil Jesus i
Manang didia pe ahu, tongtong huingot i.
Ref.Tiur marsinondang, i do niigil ni Jesus.
Tongtong marsinondang, panondang do au tutu
…musik…
Ingkon hobas mangurupi angka na gale i.
Jala burju manghobasi songon Tuhanta i.
Ref. Tiur marsinondang...
...musik...
Tuhan urupi ma ahu, sai jaga rohangki.
Asa marsinondang ahu, Ho naeng tiruonki.
Reff. Tiur marsinondang...
...musik...
Naeng oloanku Tuhanku, saleleng ngolungki
Sogot di surgo endengku , pasangap Tuhan i.
Ref. Tiur marsinondang...
..musik..
ACARA MANGOJAKHON HURIA
(Ni uluhon ni Praeses)
Marende No. 123 : 1”Jesus Raja ni Huria”
Jesus Raja ni huria, na porsea na badia, pasupasu ma au on.
Sai sungguli ma rohangku, mangihuthon Ho Rajangku.
Pargogoi ma au tongtong, pargogoi ma au tongtong.
ManjahaSejarah Gereja HKBP Salembaran (Uluan Huria : Pdt.Z.Sinurat)
Praeses : Huria ni Tuhanta, tolu do sintuhu ni ulaon ni huria, i ma : Marsaor, Marpanindangi, dohot Manghobasi dibagasan hata ni Debata. Tadok ma mauliate tu Debata ala dipasupasu hurianta patupahon i. Asa lam ture panghobasion, asa lam matoras haporseaon , jala asa marparbue hata ni Debata di angka ruas ni huria, dipajongjong do huria. Domu tusi do na tahalashon sadari on, i ma peremian HKBP Salembaran gabe huria na gok di HKBP. Domu tu peresmian ni angka huria on, tabege ma jolo Aturan dohot Paraturan ni HKBP taringot tu Huria dohot sihobasanna.
5.Paradehon pertapakan dohot bangunan gereja dohot bangunan na asing dohot nasa na ringkot di huria.
6.Manarihon angka na ringkot tu resort
7.Pahembanghon dohot pahinsathon parsaoran na denggan dohot dongan sahaporseaon nang masyarakat dohot lingkungan na humaliangsa.
8.Manghobasi ulaon huria marhite angka parhalado.
5.Praeses : Angkup ni i, tabege ma surat keputusan ni Ephorus HKBP taringot tu HKBP Salembaran. (Jinahahon ni sahalak Parhalado Resort)
(Sidung majaha SK, jongjong Pelaksana Pandita Resort, Uluan ni Huria rap dohot Parhalado di jolo mardompakhon Praeses, jala sude ruas ni huria HKBP Salembaran jongjong di inganna be)
6.Praeses :Hamu Parhalado dohot Ruas ni HKBP Salembaran, nunga dibege hamu Aturan dohot Paraturan HKBP taringot tu parjongjong dohot sihobasan ni huria. Antong husungkun ma hamu nuaeng : ”Na olo do hamu unduk tu Aturan dohot Paraturan ni HKBP?”
Parhalado + Ruas :” Na olo do hami, sai dipargogoi Tuhan i ma hami mangulahon saluhutna”
Praeses :Marhitehite Goar ni Debata Ama, Anak dohot Tondi Parbadia, ahu Praeses HKBP Distrik XXI Jakarta 3, atas goar ni Ephorus, mangojakhon Huria Kristen Batak Protestan Salembaran gabe huria na gok di HKBP, na maruluan tu Ephorus HKBP di kantor pusat HKBP Pearaja Tarutung. Amen !
(Praeses pasahathon SK Ephorus HKBP, dung i hundul ma parhalado tu ingananna be)
Mandok Hata
A.Sahalak Mewakili Undangan
B.Sahalak Mewakili Parhalado/Ruas
C.Sahalak Mewakili Parhalado Resort
Marende BE No. 123 : 5 ”Jesus Raja ni Huria”...jongjong...
Sai pauli huriaMu, asa lomo ni rohaMu. Jumpang Ho di ruasMi. Angka na serep marroha, na magigi mida dosa, Ho ditiru sasude, Ho ditiru sasude.
Setelah 3 bulan menunggu, akhiranya pengukuhan Pendeta HKBP Resort Tangerang Kota yang baru Pdt.DR M.F.Ladestam Sinaga,MTh dilaksanakan, kemarin minggu tanggal 08 November 2009. Pengukuhan dipimpin oleh Pdt. STP Siahaan,MBA selaku Kabid Marturia HKBP Distrik XXI Jakarta 3. Dalam khotbahnya yang memukau Pdt STP Siahaan, MBA mengajak jemaat untuk lebih giat dalam berdiakoni. Banyak orang beribadah dan berpuasa dengan motivasi yang salah. Berpuasa dengan tetap mementingkan diri sendiri serta ritual tanpa penyerahan diri menj
adi munafik. Ibadah dan Puasa yang benar adalah "memerdekakan orang lain dari kemiskinannya". Dengan singkat inilah yang disebut berdiakoni. Ibadah tanpa diakoni tidak ada artinya. Khotbah dikutip dari Yesaya 58:4-12. Tugas berat ini juga diarahkan kepada pendeta resort yang baru, bahwa tugas berat menanti di Resort Tangerang Kota.
