Molo so silap ahu, di taon 2003 ma sai giot rohangku mananda portibi ni si 'maya' on. Di Lubuk Pakam ma on masa, uju marhobas di HKBP Petapahan Nauli. Markomputer pe so pola huantusi dope uju i (ia so holan manurat di word, i pe manual dope). Pinangido ma pangurupion sian sahalak naposobulung asa dipatandahon tu ahu songon dia do mambuka internet. Mansai arga dope tingki i "warung internet" (warnet) 8000 sajom, molo so sala parningotanku :-). Loahon situtu do iba tingki i, boha ma ai so niantusan. Pinarsiajaran ma mambuka situs. Huingot dope situs na parjolo hubuka tingki i, "terangdunia.com". Jala mintor pinarsiajaran ma mambahen "akun email" sian yahoo.com.
Gabe sir ma roha tahe pabagashon parbinotoan taringot tu internet i. Alai ala hurang dope fasilitas jala mardomu dao jala arga tu warnet, gabe olo ma dua manang tolu bulan nibuka muse internet. Hape akun email yahoo molo tolu bulan ndang di 'update' mintor mago do. Alai tutu, dasorniba mambuka internet nunga adong sasaotik.
Dung pinda ahu tu Bogor, disi ma muse hupabagas parbinotoanhu taringot tu komputer dohot internet. Sude marsiajar dibagasan do. Tingki marsiajar mambahen blog, sahalak lulusan DEL ma patandahon tu ahu. I pe holan sahali do hami diajari di warnet. Dungkon nii marsiajar sandiri ma (otodidak).
Sian i muse hutanda ma na ginoaran sinuaeng "jejaring sosial" i ma "Friendster" (nunga tarhapus be akun on ala leleng ndang di update). Sian Friendster humousor ma roha tu Facebook na mansai ribur nuaeng. Uju i (di Bogor) ndang songon mura ni sinuaeng mambuka internet. Ingkon tu warnet dope. Alai ala ni hagiot na mansai doras, ndang parduli be iba, sampe tonga borngin pe taho di warnet. Loak do nian molo niingot.
Tangkas do binoto adong do lobi-hurang ni portibi ni si "maya" on. Molo na ringgas mar-facebook olo do lupa di tingki. Molo sapala 'candu' olo do manipat sadari holan na di jolo ni komputer. Tarlumobi nuaeng, ala nunga mansai mura bukaon marhite 'henpon'. Mansai gogo do panaitna pasudahon tingki. Olo ma lola ulaon. Sandok molo so tarrajaan diri, lam sega do. Songon i do nang angka parsingkola, lalap do ala ni 'game online'. Eh tahe...
Adong hian do sangkap dung hutanda na margoar "blog" manang "website", lam ringgas ma manurat. Manurat manang aha pe taho i. Anggiat nian lam boi pinatajom bakat manang talentaniba. Hape tong do so ra tamba ni hilala parbinotoan manurat. Di 'blog pribadi' on ma nian boi lam pinatudu hadirionniba marhite guritgurit ni tangan. Hape sahat tu nuaeng so adong dope hamajuon.
Bahen ma bah, asal ma unang hatinggalan jaman manang didok pandita gaptek ate. Anggiat ma talenta on boi dipahembang. Tu angka dongan pe arahononku do, taihuthon ma hamajuon ni jaman na mansai hatop mubauba on. Sotung gabe hatinggalan jaman hita didok gaptek. I ma jolo saotik partinandaan niba taringot tu si 'maya' on. Horas!
Gabe sir ma roha tahe pabagashon parbinotoan taringot tu internet i. Alai ala hurang dope fasilitas jala mardomu dao jala arga tu warnet, gabe olo ma dua manang tolu bulan nibuka muse internet. Hape akun email yahoo molo tolu bulan ndang di 'update' mintor mago do. Alai tutu, dasorniba mambuka internet nunga adong sasaotik.
Dung pinda ahu tu Bogor, disi ma muse hupabagas parbinotoanhu taringot tu komputer dohot internet. Sude marsiajar dibagasan do. Tingki marsiajar mambahen blog, sahalak lulusan DEL ma patandahon tu ahu. I pe holan sahali do hami diajari di warnet. Dungkon nii marsiajar sandiri ma (otodidak).
Sian i muse hutanda ma na ginoaran sinuaeng "jejaring sosial" i ma "Friendster" (nunga tarhapus be akun on ala leleng ndang di update). Sian Friendster humousor ma roha tu Facebook na mansai ribur nuaeng. Uju i (di Bogor) ndang songon mura ni sinuaeng mambuka internet. Ingkon tu warnet dope. Alai ala ni hagiot na mansai doras, ndang parduli be iba, sampe tonga borngin pe taho di warnet. Loak do nian molo niingot.
Tangkas do binoto adong do lobi-hurang ni portibi ni si "maya" on. Molo na ringgas mar-facebook olo do lupa di tingki. Molo sapala 'candu' olo do manipat sadari holan na di jolo ni komputer. Tarlumobi nuaeng, ala nunga mansai mura bukaon marhite 'henpon'. Mansai gogo do panaitna pasudahon tingki. Olo ma lola ulaon. Sandok molo so tarrajaan diri, lam sega do. Songon i do nang angka parsingkola, lalap do ala ni 'game online'. Eh tahe...
Adong hian do sangkap dung hutanda na margoar "blog" manang "website", lam ringgas ma manurat. Manurat manang aha pe taho i. Anggiat nian lam boi pinatajom bakat manang talentaniba. Hape tong do so ra tamba ni hilala parbinotoan manurat. Di 'blog pribadi' on ma nian boi lam pinatudu hadirionniba marhite guritgurit ni tangan. Hape sahat tu nuaeng so adong dope hamajuon.
Bahen ma bah, asal ma unang hatinggalan jaman manang didok pandita gaptek ate. Anggiat ma talenta on boi dipahembang. Tu angka dongan pe arahononku do, taihuthon ma hamajuon ni jaman na mansai hatop mubauba on. Sotung gabe hatinggalan jaman hita didok gaptek. I ma jolo saotik partinandaan niba taringot tu si 'maya' on. Horas!
